ال Need وال Want ؟ – التسويق

 

ركز عشان ده اخطر بوست اكتب في تاريخ الماركيتنج ((ببالغ طبعا))

امبارح نزلت بوست كوميك ان الماركتير مبيخلقش الحاجة وحصل علية تفاعل كبير اوي بس السؤال بتاع ناس كتير يعم انت لية مصدعنا بتعريفات المهم الشغل والنتايج عاوزين شغل,, مش هتفرق يخلقها ولا مبيخلقهاش.

لا هتفرق امشي معايا خطوة خطوة كده

 

اولا هو اية هو التسويق – مفهوم التسويق ؟

ابسط تعريف بيقولك هو ارضاء احتياجات الناس.

يبقي الطبيعي اني كماركتير او خطوة بعملها اساسا في خطة التسويق اني اكون عارف احتياجات الناس. وبالتالي؟

لازم اعرف معني كلمة احتياجات دي اية عشان ارضيها قولتلك ركز معايا يجدع.

ماشي يعم الحلو قولنا اية الاحتياجات البوست ابتدي يبقي طويل.

الاحتياجات هي شعور بالحرمان والنقص الي شيء ما.

 

طيب والرغبات want ؟

 

هي الطريقة الي بشبع بيها الحرمان والنقص دة

 

طيب ولية مهم اعرف الفرق؟

 

عشان لو حصل خلط ما بين فهمك لحاجة العميل ورغبتة هتلبس في الحيط واديك اشهر مثال في كتب التسويق عمليا.

بص ياصديقي الناس بتشتري مصيدة فئران
ايوة يبقي الحاجة هي مصيدة الفئران

 

وهذا غلط جدا ,,,, لان الناس في حاجة انها تتخلص من الفئران عشان تشعر بالامان لان الفئران مضرة وبتخوف (( اه بتخوف مش عشان انا من المعادي يعني)).

 

الاحتياجات و الرغبات في التسويق

لو انت فاكر ان الحاجة الي انت المفروض ترضيها كماركتير هي المصيدة هيحصل ان في شركات مبدعة هتيجي تطول وسيلة تانية للقضاء علي الفئران وانت قاعد نايم فاكر ان الحاجة هي المصيدة!

  3 نصائح للربح من الانترنت عن طريق عروض CPA ( cost per action ) شرح بالعربي

 

لكن لو عرفت ان مفهوم الحاجة ده اشمل واكبر بكتيررر اوي من الرغبة ((الوسيلة الي بنرضي بيها الحاجة )) هتفهم ساعتها ان شركتك ممكن تبدع وتكون فاهمة السوق بشكل صح وبالتالي متركزش علي الوسيلة فقط.

 

ناخد مثال للعكس

اسف البوست طويل بس العلم مستاهل ياصديقي

شركة نوكيا لما ركزت علي منتجاتها ونسيت ان السوق في حاجة الي التواصل بشكل اسرع وبشكل احترافي اكتر, اخرتها اية مهي اتباعت علي يدك من كام سنة.

 

في حين ان ابل قدمت وسيلة جديدة للناس عشان يتواصلوا بيها iPhone.

 

طيب وده اخيرا بيعمل مرض اسمة marketing ,myopia يعني قصر نظر تسويقي.
لانك شايف رغبة العميل وناسي حاجتة وانت عندك جوا.

 

اخر كلمة: مفيش تعريف علمي بيتقال عشان الناس دي بتتسلي , كل تعريف وكل كلمة ليها هدف وليها معني ولو حضرتك عاوز تنجح يبقي لازم تتعلم صح الاول عشان تعمل شغلك صح.

ملهاش حل تاني علي راي الاستاذ عمرو دياب

اشوفك في البوست الجاي بعنوان حتي انت ياكوتلر.

 

#منقول_للامانه