👈١- تطابق خبرة المصور مع نوع منتجك او اسلوب شغلك
عشان تلاقي مصور شاطر في مجاله هو حاجه مهمه لاظهار منتجاتك او شغلك بشكل مظبوط. معظم المصورين عندهم المهاره في تخصصاتهم سواء كانت بورتريه، مناظر طبيعية او العمارة. لما تدور علي مصورين، دور على اللي عنده خبرة قوية في المجال بتاعك و ضروري تتفرج علي سابقه اعماله و تشووف طريقه شغله مناسبه ليك و لمجال عملك ولا لأه
مهم اوي كمان توضح نوع المنتج للمصور عشان يوريك من سابقه اعماله امثله توضحلك مستوي شغله (مش كل المصورين بيحطوا شغلهم بالكامل اونلاين)

#ayz #ayzstudio #ayz_studio #ayz_photography

👈٢- قرر اذا كنت محتاج استايل معين او طريقه معينه لمعالجه الصور
نمط التصوير الفوتوغرافي الخاص بيك ممكن يكون بسيط جدا أو دراماتيك (جو معين). مهم اوي انك تقرر استايل التصوير المناسب لييك و لشغلك عشان ده هيفضل معاك شويه علي صفحتك او خلال الحمله الاعلانيه الخاصه بيك. و الاحسن للمشاريع الطويله ان يكون عندك شراكه مستمره مع مصور بتثق في شغله.

#ayz #ayzstudio #ayz_studio #ayz_photography

👈٣- التصوير تسويق
عشان التصوير هو وسيله اساسيه للتسويق فضروري تتأكد ان اللي بيصورك عنده خبره تسويقية. اي حد ممكن ياخد صوره بنقاء عالي علي خلفيه بيضاء، الاهم انه يكون فاهم في نوع البيزنس بتاعك بالقدر الكافي اللي يخليه يفهم استايل شغلك و الطريقه المناسبه لتصوير منتجاتك..
#ayz #ayzstudio #ayz_studio #ayz_photography

👈٤- اختيار الجو العام لشغلك
محتاج لقطات نقيه لمنتجاتك علي خلفيه بيضاء؟ دي عادة ما تستخدم في مواقع التجارة الإلكترونية لأنها بتساعد على بيع المنتج من غير أي تشتيت. وكمان بتخلي العميل على شايف كويس اللي هيشتريه بالظبط. ولا عايز لقطات إبداعية ؟ و دي اللي بتظهر المنتج اثناء استخدامه و مع مين و المكان اللي بيستخدم فيه…الخ و دي اكتر بتبقي مشهد من الحياه اليوميه.
#ayz #ayzstudio #ayz_studio #ayz_photography

  Need و Want وليه مهم نعرف الفرق - هيفيدنا ازاي في التسويق ؟

👈٥- اعتبارات موقع التصوير
الاستوديو ليس فقط لتصوير الأزياء و البورتريه. بالعكس هو احسن مكان تقدر تتحكم في اضاءه المنتج من غير اي عوامل تشتيت. معظم المصورين معندهمش استوديو خاص بيهم، بس دي مش مشكله لان في اماكن كتير بتأجر الاستوديو بالساعه او باليوم بس طبعا دي بتكون تكلفه عليك اعلي. و في اختيار تاني انك تصور خارجي (اوتدور)، طبعا ده لو هيمشي مع استايل منتجاتك، بس ده بيحتاج تجهيزات مختلفه و نقل لمعدات الأضاءه و زياره من المصور قبل يوم التصوير عشان يعرف ظروف الموقع و الزوايا المناسبه و لو في اي مشاكل في الموقع او معوقات معينه…الخ

#ayz #ayzstudio #ayz_studio #ayz_photography

👈٦- محدد ميزانيه للتصوير ولا لاء ؟
محدش بيحب يقول هو محدد ميزانيه اد ايه، بس هي فعلا هتسهل عليك وعلي المصور معرفه الامكانيات المتاحه لتصوير شغلك. و لو كانت ميزانيتك محدوده، مفيش مشكله عشان هتلاقي مصورين شغالين بكذا طريقه تسعير. مثلا في مصورين بتحسب الموضوع بيوم العمل (في حدود ٦ الي ٨ ساعات) و ممكن طريقه تانيه بعدد المنتجات اللي هتتصور و احيانا بعدد الصور المطلوبه. المهم تبقي انت عارف ميزانيتك اد ايه عشان في الاخر موضوع التصوير ده جزء من عمليه التسويق لشغلك.

#ayz #ayzstudio #ayz_studio #ayz_photography

👈٧- اسأل عن طريقه معالجه الصور (edit)
من الحاجات اللي بتغيب عن معرفه ناس كتير موضوع الedit و هو ببساطه زي فكره التحميض زمان و هي طريقه معالجه الصوره النهائيه
زي مثلا هتزود التباين (contrast) في الصوره ولا هتزود او تنقص في لون معين عشان يدي احساس معين للصوره و ممكن يكون بس عمليه ازاله لبقعه او خدوش في الصوره. المهم تبقي عارف عشان حسب نوع الشغل المطلوب ممكن يكلف تكاليف زياده.

  1. لو لقيت الكلام ده مفيد، اعمله شير عشان غيرك يستفيد…