بسم الله
طبعاً هيكون صعب تجميع المؤتمر في بوست، لكن بوجه عام هو كان الحديث أكتر عن الاونلاين بيزنيس بوجه عام على المدى الطويل، وكدة كدة المحاضرات متسجلة وهتترفع للي له Access عليها .. لكن بالنسبة لي العلاقات والمناقشات كانت هي الهدف من المؤتمر والشيء المثمر، وفيه شوية أفكار طلعت بيها حبيت اشارككم بيهم ممكن تفيدكم ::::::
(بعتذر الكلام باللهجة المصرية الدارجة)
1- فيه tip حلوة بخصوص SEO وهي إنك تخلي حد مشهور يتكلم عنك ساعتها الناس هيبدأوا يبحثوا عنك في جوجل وساعتها جوجل هيديلك ثقة انك تطلع اكتر من غيرك
.
2- ابعد عن الأشخاص السلبيين اللي دايماً شايفين الفشل في كل حاجة وكل حاجة في الشياع لان انت طالما انك قريب منهم هيأثروا عليك بانك تشوف كل حاجة بنظرة سلبية
.
3- دايماً الناس تلاقيهم كلهم زانقين نفسهم في منتجات معينة وطريقة شغل واحد ومصدر ترافيك معين .. والحقيقة إن الفرص اللي برة الحتة ده اكتر من اللي جواها وصديقنا احمد سالم اتكلم عن النقطة ده هنا في الجروب بتفصيل ممتاز
.
4- متخليش كل تركيزك ازاي تخفض تكلفة الإعلان اهتم اكتر بزيادة العائد وزيادة ROI
.
5- لما تيجي تعمل تيست أهم حاجة انك تعمل تيست للعرض نفسه وتتأكد انه رائع فعلاً يستاهل تشتغل عليه، قبل ما تعمل تيست لمصادر الترافيك وصفحات الهبوط .. إلخ
.
6- انت تقدر تركز على حاجة واحدة وتنجح فيها (مثلاً: Digital products, physical products, mobile apps) وتبقى هي ده الحاجة اللي انت متخصص فيه وناجح مش لازم تكون بتاع كله
.
7- سواء كان عندك اونلاين ستور او شغال افيليت أو amazon FBA أي حاجة فيها منتج فالاهتمام بالعميل هو اللي يضمن نجاح وزيادة العائد بتقليل التكلفة سواء من اول ما توصل للعميل لحد بعد الشراء (قدم له محتوى، اسأله، ابعت له هدايا .. الخ)
.
8- مصدر الترافيك او الاعلان هي أقل حاجة تاخد منك مجهود أما المجهود الاكبر في اختيار طريقة العمل والعرض الصحيح والزاوية الصحيح
.
9- الجزئية ده بالنسبة للناس اللي شغالين eCommerce في الدول العربيية ومعتمدين على السوشيال ميديا كمصدر ترافيك
اغلب المستخدمين بيكونوا عاوزين يبعتولك رسالة وترد عليهم وشكراً، أما انك تبعتهم لـSales page ويبنوا نموذج طويل مش مناسبة لكل الناس، لكن في نفس الوقت انت عاوز تبني براند ليك على المدى الطويل الناس يدخلوا يبحثوا يشتروا
الاحسن ليك انك تعتمد على الاتنين مبيعات السوشيال ميديا ومبيعات الموقع (الاتنين)
بالنسبة الأجانب عندهم قوة شرائية جيدة في الخليج ممكن تعتمد عليها، أما الخليج نفسهم: 1- سناب شات 2- انستاجرام 3- تويتر
.
10- لو انت مهتم بانك تبني بيزنيس طويل المدى فده مش هيحصل الا لما تكون جزء منه … مثلاً تفتكر لو انت عملت موقع عن الطبخ ولا الشيف الشربيني؟
الإجابة الشيف الشربيني (وهنا انا اقصد المحتوى)، لكن في نفس الوقت انت تقدر تنافسه وتبقى أفضل منه لو عرفت ازاي بتقدم محتوى وماشي في marketing process افضل منه
.
11- دايماً اللي بيحصل في الحملات بتاعتك هي عكس توقعاتك (متبنيش الشغل على التوقعات) مثلاً كان فيه واحد في المؤتمر حكى عن لما عمل فيديو احترافي فشل ولما فيديو بكاميرا موبايل كان بسيط جداً حقق نجاح كبير
.
12- كل مرحلة من مراحل عملك ليها Risk مختلفة عن غيرها
.
13- بالنسبة للي شغالين CPS من الغلطات اللي ممكن تقع فيها انك تنافس التاجر نفسه بشكل مباشر لان غالباً الـ customer acquisition value عنده اعلى منك وبيدفع عليها اكتر فهو هيكسب وانت هتخسر
.
14- فيه اسواق كتيرة في الدول العربية لسة فيها فرصة رائعة جداً للي يعرف يستغلها
.
في النهاية الماركتينج كله مبني على التجارب وكل شخص له تجربته: مثلاً لو افترضنا إن فلان هو رقم #1 في العالم في SEO فمين اللي علمه الـSEO? اكيد التجارب اللي مر بيها .. وفي نفس الوقت انت مش هتعيد اختراع العجلة زي ما بيقولوا وهتبدأ من حيث انتهى الآخرون
اتمنى يكون الكلام مفيد بالنسبة للبعض
وكل الشكر لصديقي ماجد وفريق التنظيم الخاصة بالقمة انهم طلعوه كدة السنة ده والشكر أيضاً لكل الافراد اللي حضرو المؤتمر واستفدت منهم
والسلام عليكم

  ما هو الـ Dark Post أو Unpublished post او Darkpost البوست غير المنشور

 

 

منقول من

https://www.facebook.com/omaresmail01