تخيل كدا الكوره اللي في الصوره دي هيا ال offer و اللاعب اللي عاوز يشوط الكوره هوا انت .. اما العنكبوت الضخم دا ف هوا دماغ التارجت بتاعك

طيب انت عاوز تشوط الكوره علشان تجيب جول! ” يحصل كونفيرجين ”
وعلشان تشوط الكوره ” الاوفر ” وتجيب جول يبقا لازم العنكبوت ” دماغ التارجت ” ميصدش الكوره.

وهنا مهمتك كأفليت انك تحاول بااكبر قدر ممكن انك تحاول تشغل العنكبوت ” العقل ” بأي حاجه تانيه وتشتته وتخلي حاجه تضغط عليه علشان ميفكرش كتير وبالتالي مش هيقدر يصد أي كوره انت بتشوطها عليه 😉

– العقل حد كسول جدا لأبعد حدود .. وبيحب يخترع بمزاجه طرق اسهل وابسط لأي حاجه في الدنيا علشان يخليك تعملها بسهوله ولو لقاها صعبه هيخليك تكنسل اي حاجه ويكرهك فيها.
طيب دا انا عاوز اليوزر ياخد اكشن .. وفيه عنكبوت كبير واقفلي .. لازم اخلي حاجه تضغط عليه تودي تفكيره بعيد ..

ومن هنا جه دور انك تلعب علي المشاعر .. اللعب علي المشاعر ماهوا الا ضغط علي العقل وتشتيته علشان ميفكرش كتير ويمشي ورا القلب 😀
* انا باينلي هقلب علي اسامه منير 😂😂 ”

طيب يبقا بالفكاكه كدا لازم نعرف ايه هيا المشاعر اللي عند الانسان اصلا 😀

كان Ahmed Selim قالها في بوست قبل كدا وهيا:
1- الخوف
2- الطمع
3- الامل
4- الحب
5- التفاخر
احب ازود عليها كام حاجة كمان وهيا 6- الفضول
7- الالم ” الالم الجسماني والنفسي تحديدا ”
8- الضحك والفرفشة

حلو كدا يبقا كدا انا علشان اشتغل علي emotions محتاج العب علي حاجه او اتنين من ال 6 اللي فوق.
كان فيه البوست الاول .. كنت قلت فيه ازاي بتطلع الفكره .. هنا بقا ازاي هنوظّفها

  الربح من ادسنس من بناء مواقع علي الانترنت

تعالي نمسك حاجه حاجه كدا D :

1. الخوف
مفيش ام مش بتخاف علي اولادها > ابنك مُعرّض للاختطاف 5 خطوات لحمايته الان
شاب خايف من المستقبل > اوفر survey
صاحب موقع خايف الموقع حد هندي يسرقه 😀 > اوفر plugin – host – etc for security
صورك علي الموبيل فيه حد بيسرقها > antivirus offer

اظن الفكره كدا وضحت؟

2. الطمع: ودي اكتر حاجه بيتلعب عليها في عروض الفوركس تحديدا والطمع ملوش نهايه فيه طمع في فلوس – عربيه احدث موديل – العيشه في شاليه علي البحر – سفر في كل اماكن العالم – حتي قرايتك للبوست دا علشان تطور نفسك وتحقق $$ اكتر :p

3. الأمل:
ودي من وجهه نظري انها بيتلعب عليها في حاجتين
1. محتوي تعليمي وان المحتوي بياخده من الصفر وهيعلمة.
2. حملات ال Donation وانك ال superhero اللي هينقذ البشريه ولازم تتبرع وان فيه امل الدنيا تتظبط و و و

4. الحب <3 :
وهنا يحضرني اغنيه الفنانه يسرا وهيا بتقول ” حب خلي الناس تحب … روح للناس يا حب 😂😂”
ودي حاجه ملهاش حدود من اول منتجات الميكب اللي هتخليها برنسيسه زمانها وجميله الجميلات قدام جوزها .. لحد البت اللي الواد حبها 4 سنين وسابها وقلبها بيتقطع
* ودي بيتلعب عليها في حوارات الهدايا جدااا .. وافكار تانيه هسيبها لدماغك *

5. التفاخر:
ايفون لما طلعت اكتر حاجه ركزت فيها هيا التفاخر .. ان معاك حاجه علوضعها وانك في مجتمع الايفون اللي هما علوضعهم وغير اي حد

التفاخر من أول .. ابهر اصدقائك بهذا التطبيق و كن اول من يجرب BMW 2018 .. لحد صيف في مارينا وخد سيلفي مع الدولفين ونزلها علي انستاجرام و نضيف علي دا البنت اللي اول ماتتخطب بتغيظ العالم كله انها هيا يعني الوحيده اللي اتخطبت 😀 ..

  طريق بناء علامة تجارية Branding

ثانيه واحده 😀 اقرا كدا اخر جمله!
استني هعيدهالك ” نضيف علي دا البنت اللي اول ماتتخطب بتغيظ العالم كله انها هيا يعني الوحيده اللي اتخطبت ”
تعرف ان دي angle لوحدها بيستهدفو بيها ال accessories زي انها تطبع صورة خطيبها علي cover الموبيل بتاعها! :p

6. الفضول :
الفيس بوك اللي داخله .. داخل علشان يستكشف حاجات جديده .. هوا مش جاي يبحث عن سخان كهربائي ولا عن بوتجاز بينوّر في الضلمه ..
وهنا اي حد شغال شوبيفاي بيشتغل علي منتجات viral منتجات جديده فيها ابتكار وهيا دي اللي تناسب اليوزر بتاع الفيس بوك.

يبقا كل ما بتخليه يستكشف حاجات جديده اكتر كل مافرصه انه ي click عندك اعلي.
ركز كدا في دا
◄ كيف تقومي بإنقاص وزنك 2 ك اسبوعيا
◄فتاه في مدينة نصر قامت بإنقاص وزنها 2ك اسبوعيا بإستخدام هذة الطريقة

اي واحد فيهم اثار فضولك؟ .. طيب علشان اثبتلك الموضوع اكتر خليني اديك حاجه خاصة بمجالك انت.
◄كيف تحصل علي ROI 300% خلال حملتك القادمه
◄ تجسست علي جميع الحملات الإعلانية اليك النتيجة الصادمة!
ايهم اثار فضولك ؟ 😀 وهكذا

كدا خطوتك القادمه هيا انك تحط ال ٦ حاجات دول قدامك وتحاول تفكر ازاي تربطهم بال offer.

شكرا انك وصلت للسطر دا وبس كدا نكون خلصنا كفايه عليك كدا البوست طول جداا 😅

#دعواتكم 🙂