Branding علامات التجارية

العلامات التجارية

ازاي تدي لشركتك هوية مميزة؟ يعني بلغة اهل التسويق ازاي تعمل Branding

 

الموضوع ده هيكون اول موضوع من سلسلة موضوعات بتتكلم عن ال Branding وهنبدأ بحاجه مهمه جدا وهي اللوجو.
اللوجو واحد من اهم الحاجات الي بتميز أي شركة. وطبيعي ان أي حد بيبدأ نشاط جديد بيهتم انه يصمم لنفسه لوجو جذاب يخليه مميز عن أي حد تاني شغال في نفس النشاط. لكن فيه حاجه مهمه ناس كتير بتغفلها. وهي الوان اللوجو نفسه. فنلاقي اما ان الألوان المستخدمة تتعارض مع طبيعة النشاط نفسه او الرساله المطلوب انها توصل للعميل او انها تكرار ممل لنفس الألوان ونفس الدرجات المستخدمه من شركات كتير.
علشان كده النهارده هنتكلم عن تأثير الألوان في التسويق.
كل لون وله معنى محدد وواضح والموضوع ده ملهوش علاقه بالموضة ده ليه علاقه بعلم نفس الألوان لان الألوان بتأثر على النفس البشرية بشكل لا إرادي علشان كده استخدام لون معين لتسويق منتجاتك بيأثر على سلوك المستهلك وعلى قراره الشرائي وعلى إدراكه للماركة وممكن التأثير يكون إيجابي أو سلبي وده بيرجع لاختيار الألوان المناسبة في تسويق منتجاتك. على سبيل المثال تستخدم معظم مطاعم الوجبات السريعة في ديكورها اللون الأحمر واللون البرتقالي هذه المطاعم لم تستخدم الألوان بمحض الصدفة ولكن أثبتت الدراسات أن اللون الأحمر والبرتقالي يشجع زبائن مطاعم الوجبات السريعة على تناول الوجبة بسرعة والذهاب بسرعة وهذا ما ترغبه مطاعم الوجبات السريعة للتخلص من الزحام. هنبدأ بمعاني
الألوان:
الأحمر: وهو أشد الألوان حرارة لأنه لون النار و يدل على الإثارة ، القوة ، الجنس ، العاطفة ، الحب ، السرعة ، الخطر ، الطعام الساخن والطازج ، حب المغامرة ، الدافع والحركة ، لون الطاقة
الأصفر: بيدل على السعادة، المرح، التسلية، التفاؤل، الإبداع ،البهجة ، الفضول
الأزرق: يدل على النجاح والثقة لأنه لون السماء أكثر شيء مرتفع في الوجود وهو من الألوان الباردة وهو اللون الأكثر شعبية ويدل على الثقة ، الموثوقية ،النجاح ، الانتماء البرد، الهدوء، المهنية في العمل ، الأمن ، الاستقرار
البرتقالي : وهو لون الدفء والحيوية ويدل على التفاؤل ، المرح ، الطاقة ، الإبداع ، الشباب ، الراحة ، له دلالة كبيرة على تخفيض التكاليف.
الأخضر: وهو لون الطبيعة الأشجار العشب وهو رمز للتسويق الأخضر ، يدل على المال ،التجديد ، و على الهدوء والصحة ، الخصوبة ، النمو
الأبيض : وهو لون النقاء ويدل على النقاء ، الصفاء ، النظافة ، الشباب ، الوضوح ، البراءة ، البساطة
الأسود : لون الأسود هو لون الليل. لون الفخامة ، لون الرسمية ، لون الأناقة ، لون الجدية ، ويرمز أيضاً للغموض
اللون الزهري : وهو اللون الأكثر شباباً ويعطي الطاقة يدل على النعومة ، الجمال ، البراءة ، النضارة ، الحنان ، الأنوثة ، الحلاوة Sweet ، الحساسية العالية ، الرقة ، الرومانسية ويدل أيضاً على الطمأنينة والأمان
اللون البني : هو لون المتانة ولون الطبقة العليا ، يدل على الفردية ،ويدل على الرسمية والموثوقية والأمان ويمكن استخدام اللون البني للكبار بالعمر لأنه يدل على المكانة والمركز بين العائلة

  3 نصائح للربح من الانترنت عن طريق عروض CPA ( cost per action ) شرح بالعربي

في الموضوع الجاي هنشوف ازاي المؤسسات المختلفه اختارت الوان شعاراتها وكانت ايه دلالتها” ؟