زي ماوعدت .. هتكلم عن الباك لينك
بس قبل ماتكلم عن الباك لينك بالكامل هتكلم ازاي أعمل موقع صح .. 🙂
النظرية بسيطة عشان أعمل باك لينك لموقع او لمقال معين محتاج أكتر من حاجة
وهما :-

 

 

كيفية انشاء موقع الكترونى ناجح و تجنب الخسارة

كيفية انشاء موقع الكترونى ناجح و تجنب الخسارة

 

 

1- محتوي جيد جداً من ناحية الـ Seo

.. متركزش في عدد الكلمات أكتر من أنك تركز في شكل المقال وجماله والافادة بتاعته وعشان تكتب مقال محترم محتاج متعملش إعادة صياغة بس لا ياباشا خد وقتك ابحث دور أفهم اكتب من دماغك محتوي طويل او صغير المهم يكون منظم مكتوب صح فيه صور وفيديو مش محتوي يخليني أمل وفي نفس الوقت مش صغير بشكل يخليني مستفيدش .

2- سوشيال سجنلز محترم وده تعمله ازاي

.. والله في أكتر من طريقة ممكن بالنشر في الجروبات ممكن تعملك كام اكونت Fake وتبدء تقبل الأد من الناس وتتفاعل وكل يوم تنزلك كام بوست في اخر البوست لينك المقال اللي عايز تجبله سوشيال سجنلز .. ده بالنسبة للفيس بوك ….. بالنسبة لتويتر اعمل فولو هيتردلك فولو باك ومع اللي بتكتبه هتلاقي في ناس بتابعك وبتعمل ريتويت لما توصل للمرحلة دي مش هتحتاج سوشيال سجنلز من حد .
طيب كده عرفنا قبل ماتحرك واعمل باك لينك .. لازم يبقى عندي محتوي ولازم يبقى عندي سوشيال سجنلز ..
طيب هل المحتوي ده اعمله يوم وخلاص والسوشيال سجنلز يوم وخلاص ؟؟
هقولك .. لا يابولسان طويل .. المحتوي المتجدد دائم الخضرة هو المقصود
علطول اعمل مقالات جديدة وجبلها سوشيال سجنلز محترم لأن الخطة بتاعتي هتبدء بعد شهر مانت عملت شغل في موقعك .
لمدة شهر سيادتك عمال تكتب محتوي وتقدم إفادة وتجيب سوشيال سجنلز كل الغرض من الموضوع انك تفهم جوجل انك موقع بيقدم إفادة ومش موقع عايز زوار وفلوس وبس .
بعد الشهر مايخلص زود معدل كتابة مقالاتك + السوشيال سجنلز + الباك لينك اللي هشرحه دلوقتي
بقسم بداية الموقع في الباك لينك لتلت مراحل كل مرحلة بأسم

  YouTube SEO - دليل شامل للسيو اليوتيوب للعمل و الربح منها

 

1- مرحلة الطبطبة :-

 

في المرحلة دي بتعمل باك لينك لمدة شهر بالعقل وواحدة واحدة وبيبقى عبارة عن باك لينك للرئيسية والاقسام اكتر ماهو باك لينك لمقال .
أول أسبوع بتجمع عدد أدلة محترم .. مش بتبيع روابط ومليانة اعلانات
أدلة تحسها نضيفة مفيهاش سبام سكور اصلا .. أجنبي أو عربي
وتبدء تضيف موقعك في القسم صح بالتايتل اللي انت عايزه وديسكربشن وكي وردز مختلفين .. ولنفرض ان كل يوم انت ضفت الموقع فـ 20 دليل كده كده الادلة مش بتققبل في نفس اليوم يعني انت بعد 7 ايام بالظبط هتبقى وزعت الموقع في 140 دليل .. مش هتحتاج أدلة تاني لباقي الشهر

تاني أسبوع وتالت أسبوع ورابع أسبوع

كل يوم بتعمل خمس مقالات حصرية مختلفة وتضيف في المقال ده رابط الرئيسية والمقال وكلمة مقال مستهدفة وكلمة رئيسية مستهدفة وصورتين كباك لينك
يعني 1- 2 أنكور تيكست واحد بيوصلني للمقال والتاني بيوصلني للرئيسية
2- رابط الرئيسية كمصدر موقع منقول
3- رابط مقال كمصدر مقال منقول
4- صورتين .. اللي يدوس علي واحدة توديه للمقال والتانية للرئيسية
علي محتوي مقال كبير بيقدم افادة مش مجرد مقال وبس يعني وانت بتنشر في المنتديات .. بتنشر مقالات مفيدة وجديدة وحصرية متاخدش كوبي أبداً كأنه موقعك
هتستمر علي الموضوع ده بشكل يومي لمدة تلت اسابيع وكده خلصنا من مرحلة الطبطبة .

 

2- مرحلة الزيادة :-

 

لمدة شهرين .. بتستمر علي خطة عمل النشر في المنتديات ولكن بتزود عدد المقالات شوية اللي بتنشرها وعدد المقالات اللي بتكتبها في موقعك .

كمان بتبدء تخش في منطقة الويب 2

حان وقت الشرح .. مع احتساء القليل من القهوة واشعال سجارة 😉
زي ماوعدت .. ازاي ترتاح من 60٪ عبأ عليك في الحصول علي باك لينك لموقعك
زي نانوهت قبل كده الويب 2 ضاع حقه جداً عشان الاستخدام فاشل
تعالوا بقي نتكلم ع الخطوات وببساطة ..
المعني الصح للشرح ده والملخص انك تحصل علي باك لينك من مدونة شخصية علي موقع بيقدم خدمة الحصول علي مدونات مجانية زي بلوجر مثلا .
للاسف الكل بيخش ينزلك كام مقال كوبي او حتي حصري ويغرقه لينكات لموقعه وده غلط جدا
رقم واحد هتعمل مدونة عادية علي بلوجسبوت هتهيأها كويس لجوجل وهتقدملها في الويب ماسترز تولز وهتضيفلها سايت ماب وهتظبط الاون بيدج وقالب محترم كأنها موقعك الرسمي .. 😍
متعاملهاش علي انها مصدر باك لينك عاملها علي انها قسم في موقعك
كل يوم هترمي فيها مقال حصري مهيأ للسيو بنسبة متقلش عن 80٪
كأنك بتكتبه في موقعك وبنفس مجال موقعك وكلمة المقال المستهدفة تربطها بمقال في موقعك
يعني مثلا لو بتكتب في مدونتك المجانية مقال عن تسليك المجاري والكلمة المستهدفة واللي ف العنوان هي
تسليك المجاري في الرياض هتربطها بمقال في موقعك الرئيسي بيستهدف نفس الكلمة انكور تيكست يعني
وهتجيب في نفس المقال باك لينك لصورة بتحول علي المقال وباك لينك برابط المقال متزودش عن كده
ممكن تعمل ميه مقال بيوجهوا لمقال واحد في موقعك الرسمي بس متزودش باك لينك اكتر من كده
بمعني اصح كأن ده موقعك الرسمي والتاني موقع صديق فابتحطله روابط 😀
والمقال الواحد في المدونة المجانية متاخدش منه اكتر من باك لينك لاكتر من صفحة هو باك لينك لصفحة واحدة بتلت طرق مختلفة انكور تيكست ورابط وصورة
مقالك في البلوجسبوت يبقي شامل صور وفيديو ونصوص
مقال شامل بمعني الكلمة
استمر علي كده علطول متوقفش شغل بجانب انك هتنشر للمدونة المجانية برضه في المنتديات والادلة ومدونات اجنبية بتكلم عن نفس محتواك يعني بمعني اصح هتعتبرها جزء من موقعك قسم فيه عايز تتصدر بيه
استمر في الشغل مش علي مدونة واحدة نوع وردبريس ويبلي بلوجر تمبلر اي حاجة وكل واحدة موقع لوحدها بمقالات حصرية لو نفذت ده بعد فترة مش هتحتاج تجيب باك لينك لموقعك الرسمي لان مدوناتك هتبقي كبرت وكسبت ثقة جوجل فاموقعك هيكسب ثقة اكبر من جوجل عن طريقهم
ملحوظة متكتفيش بالويب تو دي جزء من الحصول علي باك لينك وجزء مهم كلنا بننساه

  شرح adsense arbitrage وتحقيق ارباح خياليه

ابدء بلوجر ووردبريس بس في الشهرين دول

 

أنك بمعدل اسبوعي هتضيف الموقع في 10 أدلة جداد يعني في نهاية المرحلة هيبقى معاك تقريبا 80 دليل مواقع جديد غير الـ 140 اللي انت ضفتهم .
كده الموقع بادئ من 4 شهور .. وانا شغال باك لينك من 3 شهور
مرحلة الثقة : –
ودي المرحلة الاخيرة وبتفضل مستمرة علطول
1- مقالاتك أكتر .. سوشيال سجنلز أكتر
2- ويب تو بتكتب فيها مقالات أكتر ومحترمة وتجبلها باك لينك محترم
3- بتنشر في منتديات علي الاقل عشر مقالات يوميا بيقدموا إفادة
4- بتضيف الموقع علي الاقل في دليل مواقع يوميا
5- ودي الجديدة وركزوا فيها ..
هنبدء نخرج بره الصندوق شوية ونبص علي الأجانب بتعمل اية
أبحث كويس جدا علي محتوي موقعك بلغات مختلفة
ولنفرض لو موقعك بيتكلم عن الازياء
ابحث في جوجل عن اي مدونة أجنبيه او منتدي بيتكلم عن الـ Fashion
وحاول علي قد ماتقدر انك تاخد باك لينك من المواقع دي
بس بمحتوي محترم
أزاي يعني مثلا في مقال نازل بيتكلم عن الازياء والموضة بالفرنساوي
تترجم المقال وتقراه كويس وترد رد في محتوي المقال بلغة المقال
وتاخد باك لينك بطريقتين بس
إما بمقال مشابه جداً لكن بلغة موقعك
أو بصورة بتودي لرئيسية موقعك
غير كده بلاش ..

 

نهاية المقال لتصدر الموقع

انا كده شرحت مرحلة تهيئة أي موقع في بداية الطريق بس حطها في بالك
عشان تبقى متميز لازم تدور علي طريقك بنفسك
كله هيطبق الشرح وممكن تكونوا بتنافسوا بعض
دوروا علي حاجة جديدة تميزكم محتوي سوشيال باك لينك
اهتموا باللي شايفين انه هيخليكم مختلفين
بالتوفيق

 

في النهاية اي موقع هيمشي ع السيستم ده في خلال 6 شهور هيبقى موقع كبير

  شرح SEO - تهيئة تحسين المواقع لمحركات البحث - بالتفصيل للمبتدئين - دليل شامل

المقال منقول من

جروب تبادل خبرات ( SEO & Adsense )

https://www.facebook.com/groups/ARABSEO/

المصادر

https://www.facebook.com/groups/ARABSEO/permalink/906351239544889/

كاتبه الاصلي

https://www.facebook.com/ahmed7abeb1