بناء مشروعك

بناء مشروعك

 

كتير من الـ Small Businesses والاستارت اب بيفضلوا فترة ومبيكملوش، وده بيكون سببه مشاكل كتير جدا زي الكاش والعملاء والسوق.. الخ طب فكرت اصلا انت ليه بتقع في
المشاكل دي من الأساس!؟

احنا مفتقدين الشغل الاكاديمي جدا ياجماعة ، الناس عندها شغف وحب للمجال، بس من غير شغل واستراتيجيات صح ممكن تفتح وتشتغل شوية وتجيب فلوس بس مش هتكمل!

في اساليب كتير جدا ممكن تتبعها علشان تمشي البيزنس بتاعك ع العجين ميلخبطوش زي الـ SWOT Analysis والـ Research والـ Targeting .. الخ

بس في استراتيجية الكل احمع انها من أهم وأقوى الاستراتيجيات في التسويق والبيزنس واللي بتكون مجمعة كل ده وبتعرفك ع البيزنس بتاعك هي الـ SOSTAC، او السوستاك
وكل حرف اختصار لكلمة..

تعالوا نشوف ايه استراتيجية السوستاك دي..

S – Situation Analysis

حالتك عاملة ازاي في السوق وجوه الشركة، يعني لازم تكون عارف مدى قابليتك لانتاج المنتج ده داخليا او تقديم الخدمة، لازم تعرف انت فين من السوق ومن منافسينك وهل
السوق فيه Opportunities ليك ولا.

كل ده بيعبر عن الحالة العامة للبيزنس بتاعك، وطبعا كل نقطة من دول بتتفرع من تحت الـ Situation Analysis ومحتاجه مقال لوحدها عن ازاي تعرف مدى القابلية وتحليل
السوق والمنافسين، ممكن ترجع لمقالاتنا اللي قبل كده او تبحث.

O – Objectives

ايه هي الاهداف بتاعتك اللي عاوز توصلها من ورا البلان دي، الهدف اللي عاوز البيزنس بتاعك يوصله، والاهداف اللي عاوز توصلها من خلال استراتيجية التسويق بتاعتك، يعني مثلا عاوز
اكون رقم واحد في مجال كذا او استحوذ على ماركت شير اد كذا، وده علشان يتحقق لازم اعمل كذا وكذا.

  3 نصائح للربح من الانترنت عن طريق عروض CPA ( cost per action ) شرح بالعربي

عاوز اوصل من الحملات التسويقية بتاعتي لبراند قوي العملاء يثقوا فيه ويكون ليهم ولاء ويحبوا المنتج، وده علشان اوصل لازم اتبع Content Strategy كذا مثلا واعمل Brand Awarness
وهكذا.

بمجرد ماتحدد ايه هي الاهداف دي، هتبدء تدور ازاي تحققها، ودي برضو مندرج تحتها نقاط واستراتيجيات كتير جدا لتحقيقها

S – Strategies

انت خلاص حددت حالتة البيزنس بتاعك وقدرت تعرف الاهداف، ايه هي بقى الاستراتيجيات والاساليب اللي هتتبعها علشان تحقق الاهداف دي وعلشان تقدر تدير العمليات كلها داخليا وخارجيا
وتسويقيا وبيعيا وكل شئ.

على سبيل المثال، عرفت ان في منافسين أقوياء جدا فلازم ابدء ادرسهم واشوف نقاط قوتهم وضعفهم واشوفهم بيعملوا ايه .. عرفت ان في مشاكل عندي في الكاش ومشاكل داخلية
احاول اشوف حلول وبدائل .. عرفت كل الاهداف بتاعتي ابدء اشوف ايه افضل الطرق والاستراتيجيات اللي ممكن اتبعها علشان احقق الأهداف دي.

T – Tactics

اللعب الجميل بقى هنا .. انت خلاص حددت الاستراتيجيات بتاعتك وعرفت هتعمل ايه، تعالى نشوف بقى الـ Tactics اللي هنعملها علشان نحقق كل ده بأفضل نتيجة، يعني نشوف
ايه اكتر حاجات العملاء بيتفاعلوا معاها تسويقياً، وهما موجودين فين، ايه افضل Channels اروحلهم من خلالها، الاعلانات صيغتها عاملة ازاي، وابدء بيع على طول مثلا ولا ابدء اعمل Awareness
الاول، وهكذا

A – Actions

خلصت كل ده على ورق وفي دماغك، تعالى ناخد الـ action بقى ونشتغل ونوزع المهام دي كلها .. نبدء نحدد الشغل ونعمل هيكلية مظبوطه ونعرف احنا عاوزين مين بالظبط علشان يشتغل
على النقطة دي ونبدء نشوف حلول ونوزع المهام دي كلها عليهم.

C – Control

هنا بقى انت بتبدأ تراقب وتشوف ثمار استراتيجية الـ SOSTAC اللي انت تعبت فيها، تشوف هل كل ده ماشي صح ولا لا، هل الـ Stategies والـ Tactics اللي حطيتها بتخدم الـ Objectives ولا لا.

  الاسرار الاربعة لبدء حملة اعلانية وتسويقية ناجحة عن طريق AIDA

– كل نقطة من نقاط الـ SOSTAC تحتها بحر كبير من الاستراتيجيات والاساليب، والسوستاك هي اللي بتنظم كل الاستراتيجيات والاساليب دي.

متنساش تـ SOSTAC البيزنس بتاعك 😉

#SOSTAC