طريقة الربح إزاي تكسب من 50 زائر اكتر من اللى بتكسبو من 500؟

 

استهداف الدول في حملات الفيس بوك لزيادة الربح

استهداف الدول في حملات الفيس بوك لزيادة الربح

 

 

1- لو شغلك ادسنس بس، اعرف ان كل نقرة ليها متوسط تكلفة معين اللى هو CPC

 

لو شغال مثلا برامج

A، ممكن تقعد 3 شهور لـ 5 شهور تشتغل علي كلمة
(برنامج تحويل الفيديو الى mp3) . “معدل بحث شهري 9000″

* لو اتصدرت فيها
و جالك 5000 زائر مع CTR 5%
هيجيلك 250 كليك. × متوسط 1 سنت = 250 سنت .. = 2.5 $

B، طيب لو ف نفس المجال بتاع البرامج ، اشتغلت مثلا علي كلمة
(تحميل لعبة جاتا مصر) ” معدل بحث شهري 9600″
* لو اتصدرت فيها
وجالك 5000 زائر مع CTR 5%
هيجيلك 250 كليك × متوسط 15 سنت = 37.5$

طبعا فرق رهيب ، الفكرة كلها توظف مجهودك صح. حتي لو هتلعب علي كلمات ليها معدل بحث منخفض بس CPC عالى جدا هتفرق معاك بأذن الله.

*ملحوظة مهمة: CPC أللى ظاهره قدامك دي زي الصورة مش معناها خالص انك هتاخد فعلا ع النقرة 15 سنت ، لإن كل دا تكويد و برمجة السعر الحقيقي بيتحدد بـ Bid بتتغير بظروف كتيرة،

طيب انت كدا حيرتنا هناخد بـ رقم CPC ولا هو رقم تقريبي ملوش لزمة؟
لا هو ليه لزمة لإنو المعيار اللى هتقيس بيه اختيار كلماتك ، المعيار مظبوط ان الكلمة مرتفعه بس الربح مش اكيد يكون بنفس القيمة.

  افضل طريقة للربح من الانترنت بدون راس مال من الافلييت + سر العمل

يعني ببساطة استخدم معيار CPC اثناء اختيارك للكلمات اللى هتلعب عليها بحكم قيمة العددية ، مش بحكم انو ربح هتكسبة بالفعل، متقولش هشتغل علي كلمة CPC 1$ وكل 10 نقرات هاخد 10$ 😀

(http://prntscr.com/gdfdsm)
صورة توضيحية لمعدل البحث الشهري علي كلمتين ، معدل البحث متقارب ، ولكن متوسط الربح من النقرة بالموضوع الاول = 15 ضعف الربح من نقرة في الموضوع الثاني.

-النقطة دي هتفيدك ف انك تضاعف الربح و توظف مجهودك صح-

 

2- حاول تخلي الزائر يتصفح اكتر ف موقعك – طريقة الربح

 

 

، كل ما الزائر يتصفح الموقع اكتر ، كل ما يتعرضله اعلانات اكتر ، و فرصة النقر بتزيد.

طيب ازاي ازود نسبة بقاء الزائر ف الموقع و تصفحة.
* ادمج مع محتواك فيديو ( وقت مشاهده الفيديو هيزود فترة بقاء الزائر ف المقاله ) 😉
* خلي في محتواك ديما روابط داخليه بين المواضيع المتشابهه.
* استخدم اضافة CBX Next Previous Link للوردبريس وجود سهمين للموضوع السابق و التالى ثابتين ف الصفحة هيساعد الزائر انو يدخل مواضيع تانية.
* استخدام Pagination ف المقالات الطويلة او اسلوب عرض للمقالات يحتوي علي Next & Previous عشان المقالة الواحدة تتقسم بالفقرات كل فقرة صفحة (موجودة تلقائي ف بعض التصميمات مثل Newspaper8)

-النقطة دي هتفيدك ف ان الزائر الواحد ممكن يحققلك ربح اكتر من مرة-

3- تحسين موضع الاعلانات في موقعك و مقالاتك

كل ثانية انت سايب موضع الاعلانات بتاعتك مش ف المكان الامثل انت بتخسر فيها فلوس،
لذلك المفروض تشتغل بطريقة الاختبار و التحليل اللى اتكلمت عنها ف الـ Live
وعشان الصوت كان بيقطع و الناس مسمعتش كويس.

تحسين موضع الاعلان باستخدام طريقة التجربة/التحليل

  SEO ليه وازاي نستخدم الكونتنت Content the King

اولاً: هتاخد برنت سكرين يوميا لمدة 3 ايام من ادسنس لـ الربح طبقا ً للوحدات الاعلانية ،
يعني ربح كل مقاس اعلاني كام.

ثانياً: هتبتدي تشوف الاعلانات اللى عملت اقل CTR وتبتدي تغير مكانها ، او تغير حجمها.
وهتطبق طريقة التجربة و التحليل و تاخد برنت سكرين لمدة 3 ايام.

لو الوضع اتحسن تمام ، هتدخل بعد كدا علي تاني اقل اعلان CTR وتحسنة برضة
الوضع متحسنش؟ تبتدي تغير الموضع مرة تانية وتجرب تاني.

4- تحسين مظهر الاعلان وتهيئتها بشكل صحيح

الناس اللى بتختار الوان الاعلانات طبقا لـ لونها المفضل ف اللبس يمتنعون 😀
عشان تظبط الوان و مظهر الاعلان بشكل صحيح لازم تستخدم الطرق الصحيحة.
ازاي؟
هتتأكد انك عامل ستايل الاعلانات بطريقة من الاتنين دول
اللى يعتبرو من اكتر الطرق نجاحا في تهيئه مظهر الاعلانات.

أ* ياما دمج او توليف ( Blend )
—-
ودا معناه انك تخلي لون خلفية الاعلان و لون الاطار نفس اللون ، و هما هما نفس لون خلفية الموقع
ولون الخط بتاع الاعلان هو نفس لون خط المحتوي ف الموقع.
Ad unit (background & border ) = Website Background

ب* ياما التباين ( Contrast )
—-
ودا معناه انك تخلي لون الاعلانات عكس لون الخلفيات تماما
يعني لو الموقع خلفيته أبيض ، تخلي الاعلانات خلفيتها اسود ، عشان يحصل تباين ويظهر اكتر.

ودي تعتبر اكثر الطرق نجاحا و طبعا شرعيه 100% لإنها من adsense support

المصدر و شرح النقطة دي بالكامل (https://goo.gl/kj1HMZ)

5- تهيئه الاعلانات طبقا ً لنوع جهاز الزائر

 

فمثلا لو لديك اغلب المستخدمين من الموبايل
لا تقوم بإدراج وحدات اعلانية غير متوافقة مع الموبايل.
يعني تجنب الوحدات 728*90 مثلا و 336*228
وقم بالتركيز علي الواحدت المتجاوبة (Responsive) و 300*250 و 250 * 25

  YouTube SEO - دليل شامل للسيو اليوتيوب للعمل و الربح منها

و العكس بالعكس لو اغلب زوارك من الديسكتوب.

* ملحوظة ، انا بفضل عشان تكسب كل الزوار انك تستخدم ديما وحدات متاوفقة مع الجوال حتي لو زوارك الاغلب من الديسكتوب بس عندك نسبة لا بأس بها من زوار الموبايل يبقى مخسرتش الطرفين.

* ملحوظة 2، أنصح كل الناس استخدام وحدات الروابط المتجاوبة (Responsive Links).

6- إنشاء حملات اعلانية علي أعلي كلماتك ربحا ً

تقدر تستخدم جزء من استراتيجية شغل الـ Viral
ببساطة هتعمل حاجة اسمها ROI (Revenue of Investment )
يعني هتشوف قيمة الاستثمار اللى هتدفعه في الحملات اللى هتعملها ، مقابل الربح اللى جالك من الحملات دي بالتحديد
عشان تعمل كدا في اكتر من شرح مفصل للطريقة ف مواقع الفايرال و حسام زاوي اتكلم عليها بالتفصيل برضو.
بإختصار
هتشوف اعلي الكلمات اللى محققالك ربح ، وهتشوف اعلا البلاد اللى بتحققلك اعلي ربح و اعلي RPM
هتبتدي تعمل كامبينز مستهدفه ع الفيس بوك باستهداف البلاد اللى بتطلعلك اعلي ربح
وتفضل تعدل و تهيئ ف الكامبينز لحد ما توصل لأعلي وصول بأقل تكلفة.

الطريقة دي انا طبقتها علي بلاد محدش يتوقعها و الحمدلله جابت نتايج رهيبه.
مثال عملي.
بالصورة ( https://goo.gl/fETCBb )

7- متحطش ف دماغك ان ادسنس المصدر الاول و الاخير للربح

 

،مثلا قدامك افيلييت ممكن يحققلك ارقام كبيرة جدا لو دمجته مع شغلك
المهم يكون بطريقة صح مش عشوائية.
-النقطة دي مش شرط تمشي عليها الا لو مجالك ووقتك و مصاريفك تسمحلك-

اتمني يكون البوست جمع اهم النقاط و اسألكم الدعاء ♥