ربح من ادسنس

ربح من ادسنس

 

دي صورة ارباح من موقع لي املكه معتمد كليا علي زوار محركات البحث لا ادفع دولار واحد اعلانات

طيب انا عايز اشرح التجربة كاملة بس لو فكرت اعمل كدة هحتاج كتير

بس خلينا نبداء واحدة واحدة

اولا في تنبيه صغير الموقع ليس معتمد كليا علي ادسنس وانما فيه جزء cpa كمان

 المنشورات الي جاية هيكون فيه صورة لارباح الcpa وكيف اصنعها

انا هختصر الموضوع في كام حاجة وخلينا نتفق هيكون مصدر الزوار عندك محرك البحث فقط
اول حاجة ابداء بيها هي السيو
انا واحد بشتغل في السيو من زمان من ايام تقريبا 2007 يعني كبرت مع عمو جوجل من ايام مكان الباك لينك الله يرحمه كان هو الاساس وان منتدي كبير ياخد منك الموضوع ويطلع نتيجة عليك عادي جدا ولازم ترضي بالامر الواقع ..

لحد الان وانا لسة معاه وبطور نفسي معاه كل ما هو يتطور

الي هكتبه ده وجه نظري الي بحقق منها نتائج اغلب المنافسين بيحاربوني عليها

السيو عندي 3 حاجات

ورد بريس
سرعة موقع
والاهم محتوي قوي

غير كدة انا معرفش اي حاجة تاني ممكن تفيد بس صدقني لو هشرح يعني ايه محتوي قوي عايز ساعات اقعد اشرح فيها بس خلينا نبداء ونتوكل علي الله

وطبعا علشان اشرح كل واحدة فيهم هاخد وقت كبير جدا
فانا عايزك تشد حيلك معايا كدة وتعمل بحث وتشتغل معايا خطوة خطوة لحد ما توصل

علي فكرة انا مش هنزل اي شروحات خالص

انا هعتمد فكرة جديدة هنزل اسئلة وانت ابحث عنها وجاوبها وانت هتوصل ….هعملك زي دليل تبداء بيه

  طريق بناء علامة تجارية Branding

اول حاجة الورد بريس

الاسئلة:
ازي اركب ورد بريس
افضل اضافات الورد بريس
افضل قوالب الورد بريس
من الاخر متتعبش نفسك كتير وخش علي الموقع ده ومتسبش موضوع فيه الا لما تقراه لو الانجلش بتاع مش هيسعفك ترجم

https://goo.gl/dxZgZT

لو معرفتش ابحث بالعربي هتلاقي كتير

السؤال التاني سرعة الموقع

اول حاجة هتدور عليها ايه افضل الاستضافات

وعلشان متتعبش نفسك بردو وكلها روابط افييلت لشركات تجارية ملهاش اي ستين لازمة

هما 3 شركات الي اعرفهم وجربتهم ومفيش حد احسن منهم من وجه نظري

1- Google Cloud Platform

2- Amazon Web Services

3- ovh

غير كدا انا شخصيا معرفش حد كويس اكيد في شركات قوية تانية بس انا معرفهاش
انا بستخدم amazon Web Services_high computing instances type

2- طريقة تسريع الموقع

معلش هتتعب كتير في الموضوع ده بس هيجيب نتائج كويسة
ومن الاخر افضل اضافة Autoptimize…….الوحيدة الي خلتني اجيب نقاط جودة 100% في google page speed insight و95% في gtmetrix

فاضل المحتوي = الكينج = الربح من ادسنس

وده اكبر حاجة وهتحتاج مني شرح كتير

بس دور علي الاسئلة دي

1- كيف اكتب محتوي جيد

2- كيف اكتب عنوان جيد

شغل نفسك بالسؤالين دول لحد ما انزل المنشور الي جي

ملحوظة

طبعا ده كله معتمد علي انك مختار النيتش بتاعك وده اول حاجة لازم تدور عليها وانا سيبتها في الاخر لاني شايف هي اهم حاجة مع انها اول حاجة لازم تعملها

دور علي جوجل واكتب طريقة اختيار النيتش

انا عارف اني هتعبك كتير جدا جدا بس غصب عني انا بعلمك الصيد مش بديك سمكة

عارفين لو حد طبق الخطوات الي في المنشور “” الي هي انه بحث وتعب نفسه ”
هيفضل يربح من الانترنت لمدة 10 سنين قدام بشكل مستقر والسبب انه هيتعلم معيتمدش علي حد وهيتعلم البحث والاخير ودي الاهم مش هيبقي كسلان
ومستني حد يقوله علي تركاية مش هتوكلو عيش اساسا

  Bitcoin كل ما تحتاج معرفته عن عملة البيتكوين

دمتم بود ودمتم سالمين